بالصورة - بالرغم من بتر يديها.. الطفلة ايلا طنّوس تذهل العالم بكتابتها


24 Jan
24Jan

نشرت الصفحة الشخصية للطفلة "ايلا طنوس" عبر فيسبوك صورة لورقة تظهر اختبار إملاء باللغة العربية كتبتها الطفلة ايلا وهي التي بُترت يديها ورجليها بسبب خطء طبي قبل عدّة سنوات.وجاء في المنشور الذي ننقله اليكم بحرفيته ما يلي: 

"بعد الخطأ الطبي لي صار مع ايللا ولي خسرت بنتيجته ايديها واجريها، اخدنا ايللا على فرنسا للعلاج وكان وقتها عمرها سنة. ولما شافها الحكيم المعالج اول مرة كنت كتير عتلان هم ومتردد اسألو شو لازم نعمل لإيللا لحتى تصير تقدر تكتب متل كل الولاد، والخوف كان من الجواب ان يكون سلبي وايللا تبقى كل عمرها ما تقدر تكتب وتتعلم.كان جواب الحكيم بهيداك الوقت انو بكرا بس تكبر بنحطلها متل الملقط بإيدها لحتى تلقط القلم وتكتب.
طبعاً متل كل الاهل لي بيخافو على ولادهم كان من الطبيعي اسأل هيدا السؤال واعتل هم، بس لي ماكان طبيعي وصحيح انو انسى الطبيب السماوي شو ممكن يعمل لايللا وانو ربنا رح يعطيها الالهام والقوة لحتى تكتب بدون اصابع وحتى بدون الملقط وبخط احلى من الاولاد لي عندهم اصابع،
ربنا بعرف انو اصابعك هني لي عم يكتبو بإدين ايللا المبتورين.
سامحني يا ربي لأني شكيت بقدرتك ونسيت انو نعمك عظيمة وكبيرة كبر السماوات لي انت ساكنها".

تعليقات
* لن يتم نشر هذا البريد الإلكتروني على الموقع.